නිදහස් අධ්යාපනයේ මූලිකම ප්රතිපත්තියක් නම් උසස් අධ්යාපන අවස්ථා හිමිකර දීමය. 2020 වසරේදී එවක ජනපති ගෝඨාභය රාජපක්ෂ විසින් විශ්ව විද්යාල ප්රතිපාදන කොමිෂන් සභාව වෙත රාජ්ය විශ්ව විද්යාල වලට අමතර සිසුන් 12,000 ක් ඇතුළත් කරගන්නා ලෙස උපදෙස් දෙන්නේ ඒ අනුවය. නමුත් මෙසේ වැඩිකරන ලද සිසුන් ප්රමාණය අවශෝෂණය කරගැනීම සඳහා අවශ්ය අමතර සම්පත් රාජ්ය විශ්ව විද්යාල වෙත ලබා නොදුණි.
ජාතික දන්ත වෛද්ය අධ්යාපනයේ අභියෝග වලට මුහුණ දීම Read More »
දේශපාලන සහ ආර්ථික ව්යාකූලත්වයෙන් පිරි අවස්ථාවක උසස් අධ්යාපන ක්ෂේත්රයේ දැවැන්ත වෙනස්කම් සිදුවෙමින් තිබේ. ආපදා ධනවාදය (disaster capitalism) පිළිබඳ නයෝමි ක්ලයින්ගේ අදහසට අනුව මෙවැනි තත්වයන් වල හදිසියේ හඳුන්වා දෙන වෙනස්කම් පිළිබඳව අප කල්පනාකාරී විය යුතු වන්නේ ඒවායෙහි අනියම් අරමුණු පැවතිය හැකි බැවිනි. අප සිටිනා තත්වය තුළ මේ කාරණා පිළිබඳ ප්රවේශමෙන් සිතා බැලීමට අවශ්ය කාලය සහ නිදහස නොමැති වුවත්, මෙම වෙනස්කම් ඔස්සේ නිදහස් අධ්යාපනයට ආපසු හැරවිය නොහැකි ආකාරයේ හානියක් සිදුවීමට පෙර වහා ක්රියාත්මක වීම යුතුකමක් බව සිහිපත් කළ යුතුය.
පෞද්ගලීකරණය තුළින් උසස් අධ්යාපනයේ වගවීම සහතික කිරීම Read More »
විශ්ව විද්යාල ප්රතිපාදන කොමිසමේ සභාපති මහාචාර්ය සම්පත් අමරතුංග COPE කමිටුව හමුවේ කළ ප්රකාශයක් මේ දිනවල සමාජ මාධ්ය පුරා සැරිසරයි. ඉන් කියවෙන්නේ ශාස්ත්ර පීඨ වලින් පිටවන උපාධිධාරීන් 70% ක් තරම් ප්රමාණයකට රැකියා අවස්ථා නොමැති බවත්, සමස්ත රජයේ විශ්ව විද්යාල පද්ධතිය කෙරෙහි මේ වනවිට එල්ල වන විවේචනයට වගකිව යුත්තේ කලා උපාධිධාරීන්ගේ ඌන සේවා නියුක්තිය (under-employability) බවත්ය.
වෙනත් දෝෂ වසා ගැනීම සඳහා මානව ශාස්ත්ර හා සමාජීය විද්යා බිල්ලට දීම? Read More »
අධ්යාපනය පිළිබඳ පාර්ලිමේන්තු තේරීම් කාරක සභාව විසින් මෑතදී පල කරන ලද වාර්තාවක් තුළ සාමාන්ය සහ උසස් අධ්යාපනය සම්බන්ධයෙන් එහි ප්රතිසංස්කරණ වැඩසටහන දක්වා තිබේ. ආචාර්ය විජේදාස රාජපක්ෂගේ ප්රධානත්වයෙන් හෙබි, සාමාජිකයින් 10 කට අධික සංඛ්යාවකින් යුතු මෙම කමිටුවේ උසස් අධ්යාපනය හා මොනයම්ම හෝ සම්බන්ධයක් පවතින සාමාජිකයින් සිටියේ දෙදෙනෙක් පමණි: එනම් හරිනි අමරසූරිය සහ චරිත හේරත් යන ආචාර්යවරුන්ය. පල කරන ලද වාර්තාවට සිය විරුද්ධත්වය ප්රකාශ කරමින් ආචාර්ය අමරසූරිය අපමතික වාර්තාවක් පල කොට ඇති බවද මෙහිදී සිහිතබා ගත යුතුය.
උසස් අධ්යාපන ප්රතිසංස්කරණ ප්රතික්ෂේප කරන්න Read More »
මීට සති කිහිපයකට ඉහතදී එක්සත් රාජධානියේ හල් විශ්ව විද්යාලයේ පැවැත්වුණු එක්සත් ජාතීන්ගේ සංවිධානයේ ධරණීය සංවර්ධන අරමුණු පිළිබඳ සම්මන්ත්රණයකට මම සහභාගී වූයෙමි. සම්මන්ත්රණයේ තේමාව වූයේ ‘ධරණීය සංවර්ධනය සඳහා සාධාරණ සංක්රාන්තියක්’ යන්නයි. එහි බොහෝ සැසිවාර ස්වභාවික විද්යාඥයින්ගෙන් පිරී තිබුණු අතර, පුනර්ජනනීය බලශක්තිය සඳහා නව තාක්ෂණය භාවිතා කරන අන්දම පිළිබඳ සිය සොයාගැනීම් ඔවුහු ආඩම්බරයෙන් ඉදිරිපත් කළහ.
අර්බුද සමයන් තුළ ශාස්ත්රාලිකයන් මහජනතාව හා සම්බන්ධ වීමේ වැදගත්කම Read More »
පෞද්ගලික උසස් අධ්යාපන ආයතන වල ඉගෙන ගැනීම සඳහා රුපියල් මිලියන 1.1 ක පොලී රහිත ණය ලබාදීමේ වැඩපිළිවෙලක් හඳුන්වා දීමට නියමිතය. රාජ්ය හා රාජ්ය නොවන උසස් අධ්යාපන ආයතන වල ප්රමිතිය තහවුරු කිරීම සඳහා තත්ත්ව සහතිකකරණ කවුන්සිලයක් (Quality Assurance Council) පිහිටුවීමට විද්යාල ප්රතිපාදන කොමිෂන් සභාව යෝජනා කොට තිබේ.
පෞද්ගලික වෛද්ය විද්යාල: නිදහස් අධ්යාපනයට එල්ල වන මීළඟ පහර? Read More »
මේ ලිපිය ගැන මා සිතන්නට පටන් ගත්තේ කුප්පි සාමූහිකය රජයේ යෝජිත කම්කරු ප්රතිසංස්කරණ ගැන අධ්යයනය කරන්නට ගත් පසුබිමකය. අදාළ ප්රතිසංස්කරණ පිළිබඳව වඩා හොඳින් තේරුම් ගැනීම සඳහා ශාස්ත්රාලිකයන්ද ඇතුළු පාර්ශ්ව සමඟ අප සාකච්ඡා කිරීම අරඹා තිබූ අතර, අපට ඉතා ඉක්මණින් වැටහුණු කාරණාවක් වූයේ ඒවා ඉතා විවාදාපන්න මෙන්ම බැරෑරුම් ප්රතිවිපාක වලට තුඩුදිය හැකි ප්රතිසංස්කරණ බවයි. එහෙත් ඒ පිළිබඳ සාකච්ඡාවක් විශ්ව විද්යාලය තුළින් ජනිත නොවුණු තරම්ය.
මහජන විශ්ව විද්යාලයක් සහ ජාතික අර්බුදයක් Read More »
අන් කවරදාටත් වඩා අද වන විට මානව ශාස්ත්ර හා සමාජ විද්යාවන් ප්රහාරයට ලක්වෙමින් තිබේ. එම විෂයන්හි ප්රදානය කරන උපාධි වල අදාලත්වය හා ප්රයෝජනවත් භාවය ද සතර අතින් ප්රශ්න කිරීමට ලක්වෙමින් පවතී. මෙම උපාධිධාරීන් සඳහා රජයේ සීමිත මූල්ය සම්පත් වැය කිරීම (‘නාස්ති කිරීම’) වටින්නේද යන්න තවත් ප්රශ්නයකි.මේ උපාධි පාඨමාලා වලට යම් ‘වටිනාකමක්’ එකතු කිරීම සඳහා ඒවාට මෘදු කුසලතා කොටසක් ඇතුළත් කිරීම මේ වෙනුවෙන් මේ මොහොතේ ගනිමින් පවතින පියවරකි. මෙහි පදනම් උපකල්පනය වන්නේ මෙම පාඨමාලා වලින් කිසිදු කුසලතාවයක් ලබා නොදෙන බව හෝ එසේ ලබාදෙන කුසලතා වල කිසිදු වටිනාකමක් නැති බවය. මීට අවුරුද්දකට දෙකකට ඉහත පැවති උසස් අධ්යාපනය පිළිබඳ තීරණ ගැනීමේ ඉහළ මට්ටමේ රැස්වීමකදී, රාජ්ය විශ්ව විද්යාල වල මානව ශාස්ත්ර හා සමාජ විද්යා දෙපාර්තමේන්තු වල නියෝජිතයන් ඉදිරියේම එක් ප්රකට පුද්ගලයකු කියා සිටියේ මෙම පීඨ වලට පැමිණෙන්නේ ‘පමා වී සංවර්ධනය වූ’ පිරිසක් බවයි. මානව ශාස්ත්ර හා සමාජ විද්යාවන් පිළිබඳ ආකල්පය විදහා පෑමට මීට වඩා හොඳ උදාහරණයක් තිබිය හැකිද?
මානව ශාස්ත්ර හා සමාජ විද්යා විසින් ප්රමාණවත් තරමට වතුර බොර කර ඇත්ද? Read More »
පන්ති කාමරය සාමාන්යයෙන් සැළකෙන්නේ අධ්යාපනය, විවිධත්වය, නිර්මාණශීලීත්වය සහ විසම්මතිය තහවුරු කෙරෙන අවකාශයක් ලෙසය. එනයින් ගත් කළ විවිධ වර්ගයේ ලිංගික අනන්යතා සහ රුචි අරුචිකම් ඇති ගුරුවරුන් සහ ශිෂ්යයින්ට බාධාවකින් තොරව එම අනන්යතා පැවැත්වීමේ නිදහස පන්ති කාමරය තුළ තිබිය යුතුය. එහෙත් ලංකාවේ පන්ති කාමරය යනු වඩා පුළුල් සමාජයේම පිළිබිඹුවකි. ලිංගිකත්වය සම්බන්ධ සමාජ ධූරාවලි එහිද ප්රතිනිෂ්පාදනය වේ.
පන්ති කාමරය තුළ ස්ත්රී-පුරුෂ සමාජභාවය සහ ලිංගිකත්වය Read More »
පසුගිය සතියේ කුප්පි තීරුවෙන් කෞෂල්යා පෙරේරා කතා කළේ විශ්ව විද්යාල තුළ වත්මනේ පවතින ශ්රම ගැටළු මෙන්ම, බඳවා ගැනීම් හා රඳවා ගැනීම් සම්බන්ධ රජයේ ප්රතිපත්ති හරහා ඒවා වඩාත් තීව්ර වන ආකාරයයි. මේ සතියේ මගේ බලාපොරොත්තුව මෙම ගැටළුව තරුණ ශාස්ත්රීය කාර්ය මණ්ඩලයට බලපාන ආකාරයත්, එමඟින් ඔවුන්ගේ වෘත්තීය උන්නතියට බාධා කරන අයුරුත් හඳුනා ගැනීමය. ඒ සඳහා රාජ්ය විශ්ව විද්යාල පද්ධතියේ වෛද්ය හා දන්ත වෛද්ය පීඨ කිහිපයක සේවය කරන තරුණ කථිකාචාර්යවරුන් කිහිප දෙනෙකු හා සිදුකරන ලද සාකච්ඡා මෙන්ම මගේ පෞද්ගලික අත්දැකීම්ද යොදාගැනේ.
